SFO og skulen er stengt 18.mai, sjå skuleruta for 2011-2012.

Rektor Terje organiserte mellom anna ”Potetløp” for 1.- og 2.trinn, deretter stafett for 3. og 4. trinnselevane. Målet var ikkje å vinne, men å få flest mogleg elevar med, samt å utvise ei god sportsånd!
Det var ikkje noko å utsetje på innsatsen hjå elevane! Dei mange heiaropa på sidelinja var til stor inspirasjon! Utøvarane gjorde sitt beste på stafetten og gjennom potetløpet. Det var i dag, som elles i midttimen, stor elevaktivitet gjennom klappe- og balleikar, rockeringar, paradis, hoppe- og slengtaua. Nokre elevar har teke nye steg når det gjeld klatring i trea, medan andre held til med leik i hengekøyene m.m..

Åse-Marie leia ei innhaldsrik fredagssamling i dag. Som vanleg blei bursdagsbarn markerte med song og applaus. Verkstadgruppa til Svein-Arve og Lisbeth fekk vise fram bilete av flotte kunstverk dei laga i fjøra denne veka. Verkstadgruppa til Lena og Ellen dramatiserte songen "se, min kjole". Elevar som har fått smilefjes denne veka, fekk kome fram å fortelje kva som gjorde at dei fekk denne utmerkinga. Til slutt delte Terje ut Vikingen til den gruppa som har greidd å halde best orden i garderoba den siste tida. Vinnaren blei komet. Gratulerer til dei. Terje framheva og delte ut diplomar til elevar som denne veka har teke gongesertifikat og på andre måtar har viste gode faglege prestasjonar. Terje delte også ut premie til den basisgruppa som utmerka seg positivt under aktivitetane i midttimen i går. Terje kåra jupitergruppa og delte ut diplom til dei. Ansvaret for rydding av uteleikene dei to neste vekene blir marsgruppa. Dei får med seg ryddefjøla til klasserommet som ei påminning om oppdraget sitt.

Denne veka har stjerne- og jupitergruppa vore i fjøra, ved Demma og hatt utegym. På tysdag var oppdraget å lage kunstbilete av ting dei fann i fjøra. Det var ein kreativ gjeng som gjekk laus på oppgåva. Mange fine kunstverk blei forma i fjøra denne dagen. I dag var jupitergruppa ved Demma og leita etter dyr i vatnet. Vi fann både vannløparar, vannkalvar, larvar av augenstikkarar m.m. Stjernegruppa hadde ulike aktivitetar på uteskuleplassen og joggetur rundt Demma saman med Svein-Arve.

Mange fine bileter frå desse dagane ligg vedlagt.

Eg vil med dette få takke for meg for denne gongen :)
Frå og med torsdag 10. mai går eg ut i svangerskapspermisjon og
Patricia Tørlen tek over for meg.

Eg er tilbake til hausten 2013.
Mvh Mette K. A. Uggedal

I dag leda Lisbeth samlinga. Vi starta med bursdagsborn den siste veka, og dei fekk songen på engelsk. Så var det fire elevar som hadde fått smilefjes. Ei fekk fordi ho lånte vekk dissa si, ei fordi ho alltid gjer alle leksene sine, ein fordi han var ekstra grei og flink mot vikaren førre fredag pluss at han delte mat med ein som hadde gløymt sin. Den siste hadde vore ein god ven. På verkstaden til Lisbeth hadde dei vore i fjøra og laga tredimensjonal kunst. Sidan det er vanskeleg å få installasjonane til skulen, blir kunstverka foreviga med kamera. Dei som hadde laga verka måtte reise seg og forklare kva det skulle forestille. Alt kjem her på heimesida, så kan de heime òg sjå dei. Terje hadde "rektors hjørne", og han fortalde om 4.trinns sin fantastiske dugnadsinnsats og at dei måtte kome på kontoret hans etter skuletid for å få lønn :) Det var nokre elever som smilte lurt då dei kom ut igjen, og lukka sekkane veldig fort. Alle fekk nemleg ein brus med seg heim til helga! Ærleg og redeleg fortent! Terje fortalde at Vikingen blir delt ut neste fredag, og at gruppa som får den er den som har best orden i garderoba. Tilslutt øvde vi på 17.mai songane. God helg!

I dag fekk vaktmeister Gunnar hjelp av ein heil skare av elevar i midttimen. Eit stort lass med sand skulle fordelast i sandbassenget under "slenga".
Ivrige elevar bidrog med spader, bøtter, trillebårer, jernriver m.m. Det var ikkje noko å seie på innsatsen hos elevane, og resultatet vart veldig bra! Vi vil rette ei stor takk for hjelpa til alle som bidrog!

Thea ønskte oss velkommen til fredagssamling. Første innslag var frå verkstaden til Lena og Ellen "Vatn, farge og forsøk". Det var jupiter og stjerne som song og dramatiserte "Se min kjole", til stor glede og latter frå medelevane.
Vi hadde fem bursdagsbarn denne veka. Gratulerer!
To 4.trinnsjenter song karaokeversjonen av "What are words" med Chris Medina.
Seks elevar hadde fått smilefjes, og fekk applaus for det.
To andretrinnselevar hadde laga eigen tekst og melodi, som dei på rørande vis song for oss.
Vi fekk koseleg besøk av to tidlegare elevar. Ryddefjøla gjekk frå måne til komet.
Fredagssamlinga vart avslutta med ein Røris. God helg!