Lisbeth leia denne fredagssamlinga som sette oss i ekstra god nasjonalstemning. Det har seg slik at vi er heldige å ha både ein elev og ein lærar som spelar i korps. I førekant av samlinga hadde Lisbeth, på trompet, og eleven, på kornet, øvd inn to songar som dei framførte : «Ja vi elsker» og «Norge i rødt, hvitt og blått». Dei losa oss gjennom «Ja vi elskar» ved tostemmig messingspel! Det har neppe vore enklare å syngje til nasjonalsongen for elevar og lærarar som i dag. Vi vart alle imponerte! Kanskje kan dette vere med på å rekruttere fleire til å spele i korps? Tusen hjarteleg takk for fint spel!

I tillegg kan de lese om dei andre postane på fredagssamlinga: *Fødselsdagsbarn *Smilefjes *Ryddefjøl *Tiarvensong v/1. trinnslevar frå Måne og Komet. *Kva har de lært denne veka?

Kvar fredag har 4. klasse klassens time. i den timen får elevane kome fram og fortelje eller vise fram noko dei er interessert i. Det kan vere fotball-laget sitt, ei god bok eller vise fram noko dei har laga. Her kjem nokre bilete frå veke 16.

I dag var det Lena som leiia fredagssamlinga. Først ut var ei rekkje med elevar som hadde fått smilefjes denne veka. Smilefjesa hadde dei fått fordi dei hadde lest mange bøker, vore hjelpelærarar på datarommet og jobba godt på språkverkstaden. Også denne veka var det kjekke skjongelevar som hadde hatt bursdag. Dei fekk ein fin song frå heile skulen. I dag var det tre modige elevar som turde å kome fram for heile skulen og synge acapella. Takk for fin song, jenter! Terje utfordra også andre til å melde seg til å vise fram noko på fredagssamlingane våre. På Skjong har vi spreke elevar. Ein jentegjeng vise oss akrobatiske kunster eller cheerleading som også mange kallar det. Vikingen den blir delt ut på fredag som kjem. Gruppene må innan den tid skjerpe seg på å kome inn att etter friminutta og vere flinke til å rydde inn leiker. Heilt til slutt var det ryddefjøla som blei overrekt til Komet. 4.klasse kunne seie at det var mykje leiker ute, så vi har alle ein jobb å gjere.

Ha ei fin veke!
Helsing alle oss på Skjong.

I dag var det Hanne som leia dagens fredagssamling. Og for ei samling det vart!! To tredjeklassingar hadde hatt bursdag denne veka og vart hylla på spansk vis. Etterpå fekk elevane som har fått smilefjes kome fram å fortelje kva dei har gjort :) Nokre fjerdeklassingar hadde klart å fått gongesertifikat denne veka og. Bra jobba gutar!! Nokre elevar i 3.klasse har øvd på ei engelsk regle i dag, som dei framførte foran alle elevane. " Good night to the birds, and the fish in the sea. Good night to the bears and good night to me". Samlinga vart runda av med at 3.klasse gav vidare ryddefjøla til 4.klasse. God helg!! :)

Svein Arve leia fredagssamlinga i dag. Vanlege innslag stod på programmet, som bursdagsmarkering, smilefjes, "rektor har ordet" og overrekking av ryddefjøla. I tillegg delte rektor ut Vikingen til flinkaste gruppe når det gjeld å kome raskt inn igjen etter midttimen. Dette blei 4. klasse. Gratulerer til dei. Rektor kåra også beste gruppe under refleksvekstaksjonen. Den basisgruppa som hadde best resultat var KOMET. Eit stort HURRA til elevane på kometgruppa. Som premie får dei ein tur til Atlanterhavsparken. Ein elev fekk tildelt gangesertifikat. Gratulerer. Neste veke kan det bli enda fleire som får gangesertifikatet. Svein Arve orienterte til slutt om leseaksjonen som tek til neste veke. På småteamet er det konkurranse mellom gruppene om å lese flest bøker. På stortemaet er talet på minutt som tel. Lykke til med lesinga.

God helg

Tradisjonen tru hadde vi påskelunsj i dag. Småteamet og storteamet var kvar for seg, og elevane hadde med seg god matpakke. Skulen hadde kjøpt inn juice, paprika og agurk. Før vi starta å ete, song vi, og vi fekk sjå og høyre "Ein liten kylling i egget låg", med dramatisering til. Det var god stemning under måltidet, og ein fin innleiing til påskeferien!
GOD PÅSKE ALLE SAMAN!

I dag song vi bursdagssongen til ei som blir 10 år på storteamet. Så var mattegruppa til Åse-Marie framme og sang Multi-songen. Det var flott! Vi øvde på songen vi skal synge på påskegudstenesta neste fredag. Det var mange elevar som hadde gjort gode gjerningar denne veka og fått smilefjes. Vi er heldige her på skulen. To elevar i 3.klasse har lært seg den vesle gongetabellen, så dei var framme og fekk sertifikat. 8 av 4.klassingane har lært seg heile gongetabellen, og dei fekk òg sertifikat. Gratulerer!
God helg!

I dag hadde vi fredagssamling med dei vanlege postane. Her kan du sjå nokre bilete frå samlinga.